Sahibkarlar onlayn qeydiyyatdan keçə biləcək
17 aprel 2019 16:21 (UTC +04:00)

Sahibkarlar onlayn qeydiyyatdan keçə biləcək

Qida Təhlükəsizliyi Agentliyi mayın 1-dən etibarən qida sahəsində fəaliyyət göstərən sahibkarlıq subyektlərinin qeydiyyatını və reyestrə daxil edilməsini onlayn qaydada həyata keçirəcək. Bu barədə Lent.az-a AQTA-dan bildirilib.

Verilən məlumata görə, elektron sistem vasitəsi ilə qida təhlükəsizliyi qeydiyyatından keçmək istəyən sahibkarlar müvafiq idarəyə gəlmədən, Agentliyin rəsmi internet saytına daxil olub onlayn qeydiyyat üçün müraciət edəcəklər.

Sistemə giriş Asan İmza, Elektron imza və FİN kod vasitəsilə həyata keçiriləcək.

Həmçinin sahibkarlar banka getmədən müvafiq dövlət rüsumlarını da şəxsi kabinet vasitəsi ilə ödəmək imkanı əldə edəcəklər.

# 589
avatar

Oxşar yazılar