Rusiya telekanallarında Azərbaycanla bağlı reklam çarxı nümayiş olunur

Rusiyadan Azərbaycana turist cəlb etmək üçün Rusiyanın məşhur telekanallarında ölkəmizin turizm potensialını əks etdirən yeni reklam çarxı nümayiş olunur. Mədəniyyət və Turizm Nazirliyindən Lent.az-a verilən məlumata görə, adıçəkilən nazirliyin sifarişi ilə Rusiyada təbliğat kampaniyası çərçivəsində Azərbaycanın turizm potensialını əks etdirən 45 saniyəlik yeni reklam çarxı aprelin 10-dan etibarən 3 ay Rusiyanın “Rossiya-1”, “CTC”, “Kanal-5 Sankt-Peterburq” telekanallarında yayımlanacaq.