RİTN tərəfindən rəqəmsal şəbəkənin qurulmasına başlanılıb

“Nazirlər Kabinetinin və MTRŞ-ın qərarlarına uyğun olaraq, Rabitə və İnformasiya Texnologiyaları Nazirliyi tərəfindən rəqəmsal şəbəkənin qurulmasına başlanılıb”. Lent.az-ın məlumatına görə, bunu "Teleradio" İstehsalat Birliyinin texniki direktoru Mikayıl Abbasov bildirib. Onun sözlərinə görə, hazırda rəqəmsal şəbəkə daha da genişləndirilib: “Bu gün respublika əhalisinin 95 faizini əhatə edən bu rəqəmli şəbəkə artıq istismara verilib. Hazırda həmin şəbəkədə 83 ədəd güclü rəqəmli televiziya vericisi istifadə olunur. MTRŞ-nın qərarında göstərildiyi kimi, sosial paket müəyyənləşdirilib. Bu paketə daxil olan bütün televiziya proqramları rəqəmsal şəbəkədə yayımlanır”.

M. Abbasov onu da vurğulayıb ki, Bakıda açıq paketlə yanaşı, kommersiya tipli 6 verici, Gəncədə isə 4 verici yayımlanmaqla, paytaxtda 96 proqram, Gəncədə isə 54 televiziya proqramı yayımlanır: “Rəqəmsal şəbəkənin genişləndirilməsi üçün bu istiqamətdə tədbirlər davam etdirilir. Dövlət Radiotezliklər İdarəsi tərəfindən aparılan monitorinqin nəticəsi göstərir ki, bu ilin sonuna kimi ümumi şəbəkədəki vericilər respublikanın istənilən nöqtəsində rəqəmli televiziyanın yüksək keyfiyyətlə yayımına imkan yaradır”.

Texniki direktor bu sahədə müəyyən problemlərin olduğunu bildirib: “Bununla bağlı müəyyən problem və çətinliklər də var. Çətinliklərdən biri də proqramların rayonlardakı telestansiyalara çatdırlmasıdır. Bu gün “Teleradio” İB-in imkanı ona çatır ki, biz istənilən vaxtı anoloqu dayandırıb, respublikanın bütün bölgələrində rəqəmli televiziya proqramlarının yayımını verə bilərik”.