Azərbaycan prezidenti İlham Əliyev Bakıda Dədə Qorqud parkının açılışında iştirak edib. Lent.az-ın məlumatına görə, geniş tikinti və abadlıq işləri nəticəsində Bakının Nərimanov rayonunda 6 hektar ərazidə Dədə Qorqud parkı salınıb. Parkın mərkəzində “Kitabi-Dədə Qorqud” abidəsi ucaldılıb. Abidənin müəllifi əməkdar rəssam, heykəltəraş Görüş Babayevdir.
Dövlət başçısı əvvəlcə Azərbaycanın elm, təhsil və mədəniyyət ictimaiyyətinin tanınmış nümayəndələri ilə görüşüb.
Prezident İlham Əliyev mərasimdə çıxış edib.
Sonra Azərbaycan Yazıçılar Birliyinin sədri, xalq yazıçısı Anar, Azərbaycan Milli Elmlər Akademiyasının müxbir üzvü, professor Kamal Abdullayev və xalq rəssamı Görüş Babayev çıxış edərək dövlət başçısına minnətdarlıqlarını çatdırıblar.
Azərbaycan Prezidenti abidənin üzərindəki örtüyü götürüb.
Daha sonra dövlət başçısı və tədbir iştirakçıları parkla tanış olublar.
Parkın 6 hektarlıq ərazisinin yarısında göl, parkda isə müasir şəlalə yaradılıb, gəzinti üçün körpülər inşa edilib.
Dövlət başçısı parkda yaradılmış şəraitdən razılığını bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
