Prezident Sloveniya nümayəndə heyətini qəbul edib
29 avqust 2013 16:07 (UTC +04:00)

Prezident Sloveniya nümayəndə heyətini qəbul edib

Prezident İlham Əliyev avqustun 29-da Lyublyana şəhərinin meri Zoran Yankoviç başda olmaqla Sloveniyanın müdafiə naziri Roman Yakiçin və iqtisadi inkişaf və texnologiyalar naziri Stanko Stepişnikin daxil olduğu nümayəndə heyətini qəbul edib. Lent.az-ın məlumatına görə, prezident Sloveniyaya səfərini məmnunluqla xatırladıb. Prezident İlham Əliyev Sloveniya nümayəndə heyətinin Azərbaycana səfərinin uğurlu olacağına və bu səfərin ölkəmizlə yaxından tanış olmaq üçün yaxşı imkan yaradacağına ümidvar olduğunu bildirib.
Lyublyana şəhərinin meri Zoran Yankoviç paytaxtımızda gedən sürətli inkişaf proseslərinin onlarda dərin təəssürat yaratdığını dedi. O, Prezident İlham Əliyevin Sloveniyaya uğurlu səfərinin ölkələrimiz arasında əlaqələrin möhkəmləndirilməsi baxımından önəmini qeyd edib.
Görüşdə Azərbaycanla Sloveniya arasında ikitərəfli əlaqələrin müxtəlif istiqamətlərdə, o cümlədən siyasi, iqtisadi, ticarət, informasiya-kommunikasiya texnologiyaları, sərmayə qoyuluşu, turizm və digər sahələrdə daha da genişləndirilməsi ilə bağlı məsələlər ətrafında fikir mübadiləsi aparılıb.

# 315
avatar

Oxşar yazılar