Bakıdakı partlayışda 5 nəfər yaralanıb – SİYAHI – YENİLƏNİB

Bu gün Bakı şəhərinin Binəqədi rayonunda, metronun “Azadlıq prospekti” stansiyasının bir neçə metrliyində baş vermiş partlayış nəticəsində 5 nəfərin yaralandığı məlum olub. Lent.az-ın məlumatına görə, hadisədən sonra 4 qadın və 1 kişi yaralı vəziyyətdə xəstəxanaya aparılıb. Yaralılar bunlardır:

Budaqova Fillurə Adil qızı – 1975-ci il təvəllüdlü

İbadova Afiyət Saat qızı – 1961

Səfərova Tamella Nurulla qızı – 1966

Qədimova Səadət Məhəmməd qızı – 1975

Kazımov Tərlan Əbdüləli oğlu - 1990

*****

11:36

Bu gün Bakıda “Azadlıq prospekti” metrostansiyası yaxınlığında baş verən partlayışda yaralanan 3 nəfərin adı açıqlandı. Bakı İstanbul Tibb Mərkəzindən Lent.az-a verilən xəbərə görə, hadisə nəticəsində yaralanan 1961-ci il təvəllüdlü Afiyət İbadova üz yanığı, sol təpə gicgahının beyin travması ilə 1 saylı Kliniki Tibbi Mərkəzə yerləşdirilib. Digər yaralı 1989-cu il təvəllüdlü Kazımov Tərlan Əbdüləli oğlu isə Elmi-Tədqiqat Travmatologiya və Ortopediya İnstitutuna yerləşdirilib. O, sağ budunun yumşaq toxumasının əzilməsi ilə rendgen olunub, hazırda xəstə özünü normal hiss edir.

1961-ci il təvəllüdlü Səadət Ağayeva isə sağ ayağın travması ilə Bakı İstanbul Tibb Mərkəzinə yerləşdirilib.