Orden və medallar dəyişdi

Bu gün Milli Məclisin iclasında bir sıra ali mükafatların dəyişdirilməsi ilə bağlı qanun layihələri müzakirəyə çıxarılıb.

Lent.az-ın verdiyi məlumata görə, “Tərəqqi”, “Vətən uğrunda”, “Polis veteranı” və “Dövlət qulluğunda fərqlənməyə görə” medalları, o cümlədən “İstiqlal”, “Şöhrət”, “Azərbaycan Bayrağı” və “Vətənə xidmətə görə” ordenləri tamamilə dəyişdirilir. Bununla bağlı “Azərbaycan Respublikasının “Tərəqqi” medalının Əsasnaməsinin və təsvirinin təsdiq edilməsi haqqında”, “Azərbaycan Respublikasının “Vətən uğrunda” medalının təsvirinin təsdiq edilməsi haqqında”, “Azərbaycan Respublikasının “Polis veteranı” medalının Əsasnaməsinin və təsvirinin təsdiq edilməsi haqqında” və “Azərbaycan Respublikasının “Dövlət qulluğunda fərqlənməyə görə” medalının Əsasnaməsinin və təsvirinin təsdiq edilməsi haqqında”, o cümlədən bağlı “Azərbaycan Respublikasının “İstiqlal” ordeninin statutunun və təsvirinin təsdiq edilməsi haqqında”, “Azərbaycan Bayrağı” ordeninin statutunun və təsvirinin təsdiq edilməsi haqqında”, “Vətənə xidmətə görə” ordeninin statutunun və təsvirinin təsdiq edilməsi haqqında” və “Şöhrət” ordeninin statutunun və təsvirinin təsdiq edilməsi haqqında” qanunlara dəyişikliklər müzakirə olunub.

Layihələrə əsasən, ordenlərin və medalların bütün təsvirlərində və ölçülərində dəyişikliklər edilir, eyni zamanda yeni əlavə lövhələr, simvollar bərkidilir. Təsvirlərdə yeniliklər olacaq. Medallarda nömrə ilə yanaşı, seriyaları da yer alacaq. Layihələr ayrı – ayrı səsə qoyularaq qəbul olunub.