Nəsimi Nəbizadə ilə "Ana xəbər" bloku – 11 iyun

Mosul və Kərkük Misaki-milliyə daxildir, yəni Türkiyənin bu bölgə üzərində tanınmış haqları var... Türkiyənin bu bölgə üzərində haqlarını qəbul etdirən şəxs Mustafa Kamal Atatürkdür... Mustafa Kamal Paşanın gerçəkdən türklərin atası olduğunu isbatlayan addımlardan biri Misaki-millini qəbul etdirməsi, Türkiyənin Misaki-milli hüquqlarını tanıtmasıdır... Bu hüquqlara əsasən, Türkiyə öz sərhədləri daxilində olmayan Misaki-Milliyə daxil ərazilərdə təhlükəsizliyə təhdid yaranarsa, bu təhdidi aradan qaldırmaq üçün güc tətbiq etmək hüququna sahibdir... Allah sənə rəhmət etsin, Atatürk...! Ecevit dövründə PKK İraqın şimalında Türkiyənin maraqları üçün təhdid doğurarkən ordu İraq sərhədlərini 20 kilometr keçərək təhlükəsizlik dəhlizi yaratdı və dolayı yolla “Misaki-milli” vədinə əməl etmiş oldu... Sənin də ruhun şad olsun, Ecevit...! Bu gün tarix Türkiyəyə istehza edir, on illər öncə Bərzaninin yaratdığı təhdidi aradan qaldırmaq üçün İraqa qoşun yeridən Türkiyə indi diplomatlarını xilas etmək üçün Bərzanidən kömək umur... Bu gün Mosulda həm bölgə üçün, həm də Türkiyənin təhlükəsizliyi üçün bir təhdid yaranıb, 48 diplomat girov götürülüb... Bu təhlükəni yaradan, diplomatları girov götürən terrorçulardır... Yəni, illər öncə olduğu kimi indi də Türkiyənin bölgəyə hərbi müdaxilə etməsi üçün hüquqi əsas yaranıb... Ankara bu şansdan yararlanmalı, bölgə lideri olduğunu sözdə deyil, işdə sübut etməlidir...