!["Azərbaycan və Gürcüstan münasibətlər sarsılmaz qalacaq" - <span style="color:red;">BƏYANAT](https://lent.az/storage/news/2019/july/19/big/c693b1de1350f3953170d26bae18745f.jpg)
"Azərbaycan və Gürcüstan münasibətlər sarsılmaz qalacaq" - BƏYANAT
Azərbaycan Əfqanıstan Müharibəsi Veteranları İctimai Birliyi və Gürcüstanın Əfqanıstan Müharibəsi Veteranları İttifaqı birgə bəyanat yayıb.
Lent.az həmin bəyanatı olduğu kimi təqdim edir:
"Biz - Azərbaycan və Gürcüstanın Əfqanıstan Müharibəsi Veteranları təşkilatlarının təmsilçiləri bu günlərdə Azərbaycan-Gürcüstan sərhədində, "Keşikçidağ" məntəqəsində baş verən insidentin iki qonşu dövlətin əlaqələrinə, sıx tərəfdaşlıq münasibətlərinə xələl gətirməməsi üçün hər iki ölkənin ictimaiyyətini səbr və təmkin nümayiş etdirməyə çağırırıq. Xalqlarımızın çoxəsrlik mehriban qonşuluğuna, dövlətlərimizin uzunmüddətli siyasi və iqtisadi əməkdaşlığına kölgə düşməməsi naminə bu kimi insidentlərə soyuqqanlı yanaşılması, hadisələrin ehtiyatla, hərtərəfli təhlil edilərək qiymətləndirilməsini zəruri sayaraq, emosiyalara uymamağı, xarici və daxili bədxahların, regionda sabitliyii pozmağı hədəfləyən dairələrin təxribatlarına əsla rəvac verməməyi tövsiyə edirik. Biz bir zamanlar hər iki xalqın nümayəndələrinin, Azərbaycan və Gürcüstan övladlarının Əfqanıstanda çiyin-çiyinə verərək nümayiş etdirdiyi döyüş qardaşlığı ənənələrinə söykənib bu dəyərli birlik və həmrəyliyin qorunmasını zəruri saydığımızı inamla vurğulayırıq. Həmçinin onu da bəyan edirik ki, regionun bu iki qədim və şanlı xalqının, həmçinin iki güclü dövlətinin istiqlaliyyət uğrunda, yadellilərə, xarici müdaxiləyə qarşı əsrlər boyu davam edən birgə mübarizə təcrübəsi var və bu təcrübə bizim ən dəyərli ortaq sərvətlərimizdəndir. Odur ki, hər iki xalqın nümayəndələrini, Azərbaycan və Gürcüstan vətəndaşlarını bir daha bu sərvətə layiqincə sahib çıxmağa, təxribatçılara, ara qarışdıranlara qətiyyən fürsət tanımamağa səsləyirik. Əfqanıstan savaşında od-alovdan bərabər keçmiş insanlar olaraq ürəkdən inanırıq ki, xalqlarımızın çoxəsrlik qonşuluq tarixi boyunca dəfələrlə olduğu kimi yenə də qarşılıqlı anlaşma, mehribanlıq, dostluq və qardaşlıq qalib gələcək, Azərbaycan və Gürcüstan arasındakı yüksək münasibətlər sarsılmaz qalacaq, daha da inkişaf edəcəkdir. Mövcud olan hər hansı problem isə iki dövlətin aidiyyətli strukturları tərəfindən müvafiq qaydada öz həllini tapacaqdır".
![avatar](/storage/authors/71261544_59301322_2330722217203553_6289834619780988928_n.jpg)
Hicranə Əlişqızı
Oxşar yazılar
![Sabah Bakıda şimşək çaxacaq, yağış yağacaq - PROQNOZ](https://lent.az/storage/news/2024/july/27/big/66a4adb3a06af66a4adb3a06b0172206840366a4adb3a06aa66a4adb3a06ad.jpg)
Sabah Bakıda şimşək çaxacaq, yağış yağacaq - PROQNOZ
27 iyul 2024 , 12:18![Zaqatalada çaydan sel keçib](https://lent.az/storage/news/2024/july/27/big/66a49d5698a4a66a49d5698a4c172206421466a49d5698a4566a49d5698a48.webp)
Zaqatalada çaydan sel keçib
27 iyul 2024 , 11:08![Rayonlarda şimşək çaxıb, yağış yağıb - FAKTİKİ HAVA](https://lent.az/storage/news/2024/july/27/big/66a48a7f63f2466a48a7f63f26172205939166a48a7f63f1c66a48a7f63f21.webp)
Rayonlarda şimşək çaxıb, yağış yağıb - FAKTİKİ HAVA
27 iyul 2024 , 09:48![Bürclərin hansı gizli zəif cəhətləri yaşamağa mane olur?](https://lent.az/storage/news/2024/july/26/big/66a3b5d04bd3a66a3b5d04bd3b172200494466a3b5d04bd3466a3b5d04bd37.webp)
Bürclərin hansı gizli zəif cəhətləri yaşamağa mane olur?
27 iyul 2024 , 09:09![İyulun 14-də keçirilən qəbul imtahanının NƏTİCƏSİ](https://lent.az/storage/news/2024/july/26/big/66a3f4e3e077f66a3f4e3e07811722021091438c7f8e8d8a92f4098ce5f41d79d5bf.jpg)
İyulun 14-də keçirilən qəbul imtahanının NƏTİCƏSİ
26 iyul 2024 , 23:12![Avqusta qədər varlanmaq şansı olacaq BÜRCLƏR](https://lent.az/storage/news/2024/july/26/big/66a364d41c69166a364d41c692172198421266a364d41c68b66a364d41c68e.png)
Avqusta qədər varlanmaq şansı olacaq BÜRCLƏR
26 iyul 2024 , 18:28Baş prokuror Türkiyənin Konstitusiya Məhkəməsinin sədri ilə görüşüb
26 iyul 2024 , 18:24![Hazırda bu rayonlara şimşək çaxır, yağış yağır - FAKTİKİ HAVA](https://lent.az/storage/news/2024/july/26/big/66a393a31248166a393a312482172199619566a393a31247e66a393a31247f.jpg)