Ekologiya və Təbii Sərvətlər Nazirliyi Milli Hidrometeorologiya Departamenti oktyabrın 13-nə gözlənilən hava proqnozunu açıqlayıb.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun baş mühəndisi Elmira Həmidovanın Lent.az-a verdiyi məlumata görə, oktyabrın 13-də Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi, axşam havanın tutqun olacağı gözlənilir.
Mülayim şimal-qərb küləyi əsəcək. Havanın temperaturu gecə 13-16 dərəcə, gündüz 19-23 dərəcə isti olacaq.
Azərbaycanın rayonlarına gəlincə, oktyabrın 13-də hava əsasən yağmursuz olacaq. Səhər bəzi yerlərdə duman qeydə alınacaq. Lakin axşam bəzi yerlərdə yağış yağacağı ehtimalı var. Mülayim qərb küləyi əsəcək. Aran rayonlarında gecə 8-13 dərəcə, gündüz 20-25 dərəcə, dağlarda gecə 1-6 dərəcə isti, gündüz 13-18 dərəcə isti olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
