Dünən Bakıda anomal isti olub

Son günlər ölkə ərazisində müşahidə olunan havanın temperaturu iqlim normasından yüksəkdir.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya açıqlamasında deyib ki, dünən Bakıda və Abşeron yarımadasında iqlim normasından yüksək temperatur qeydə alınıb. Belə ki, mayın 16-da paytaxtda havanın temperaturu iqlim normasından 3-4 dərəcə yüksək olub.

A.Verdiyev qeyd edib ki, bu gün də Bakıda və Abşeron yarımadasında havanın temperaturu iqlim normasından bir qədər yuxarıdır.