Diktorluq sənətinə verilən qiymət - Ofeliya Sabirqızı, Nəsimi Nəbizadə

Bügünkü “Manşet”də APA.TV-nin əməkdaşı, aparıcı, əməkdar jurnalist Nəsimi Nəbizadə və Azərbaycan radiosunun baş diktoru, əməkdar artist Ofelya Sabirqızı aparıcı İlham Tumasın suallarını cavablandırıblar.

Ofelya Sabirqızı:

- Radio diktoru olmaq çətin peşədir. Çünki sənin üzünü görmürlər, səsini eşidirlər. Bilirsiniz, bizim nə qədər dinləyicilərimiz var? Düz 30 ildir radioda çalışram.

- Təsəvvür edin ki, bəzən əhvalsız səhər efirinə çıxırsan, efirə çoxsaylı zənglər olur, dinləyicilər o qədər xoş sözlər deyir ki, istər-istəməz əhvalın yaxşılaşır. Bizi saxlayan dinləyicilərimizin bizə olan sevgisidir.

- Ən böyük mükafatımız efirdir, eyni zamanda əməyimizə verilən qiymətdir. Azərbaycan dövləti tərəfindən də həmişə dəyərləndirilmişik.

- Elə diktorlar olub ki, eqoistlik edib cavanlara bu peşənin sirlərini öyrətməyiblər. Buna görə də tələbələri olmayıb. Ancaq tələbəsi olmaq böyük xoşbəxtlikdir.

***

Nəsimi Nəbizadə:

- Təltif olunduğumu eşidəndə, haradasa bir dəqiqə qəribə hisslər keçirdim. Maraqlıdı ki, düz 20 il bundan qabaq - noyabrın 7-də efirə çıxmışam. Noyabrın 7-də də rəhmətlik atamın doğum günüdür. İndi də yenə noyabrın 7-si ad alıdm.

- Hansısa ad seçimdi, insanlara verilən dəyərdi. Sovetdən qalma yaxşı ənənələrimizdən biri də, məncə, bu adlardır.

- Düşünürəm, qadın televiziya aparıcı şarmlı olmalıdır. Kişi aparıcılar isə mütləq ciddi olmalıdırlar. Dünya təcrübəsində də çox cavan aparıcılar xəbər aparıcılığına gətirilmir.

- Televiziya aparıcısının ensiklopedik səviyyədə biliyi olmalıdır. Çünki hər sahədən qonağı ola bilər. Hər qonağa verilən suallar aparıcınn bilik səviyyəsini ortaya qoyur.