Sentyabrın 25-də Bakının Xəzər rayonu Binə qəsəbəsində 285 nömrəli körpələr evi-uşaq bağçası üçün tikilmiş yeni binanın açılışı olub.
APA-nın məlumatına görə, açılışda Azərbaycanın birinci xanımı, Heydər Əliyev Fondunun prezidenti Mehriban Əliyeva və Fondun vitse-prezidenti Leyla Əliyeva iştirak ediblər.
M. Əliyeva körpələr-evi uşaq bağçasının rəmzi açılışını bildirən lenti kəsib.
Heydər Əliyev Fondunun təşəbbüsü ilə 2013-cü ilin martında bağçanın binası sökülərək yerində yenisi inşa edilib.
İki yüz iyirmi yerlik körpələr evi-uşaq bağçasında Azərbaycan və rus qrupları fəaliyyət göstərəcək.
M. Əliyeva uşaqların istirahəti üçün yaradılan şəraitlə yaxından tanış olub.
Heydər Əliyev Fondunun prezidentinə uşaq bağçası-körpələr evinin ətrafında aparılan abadlıq işləri barədə də məlumat verilib.