Güney Azərbaycanın bir sıra bölgələrində 1945-ci il dekabrın 12-də Seyid Cəfər Pişəvəri başçılığı ilə qurulan Azərbaycan Milli Hökumətin yaranmasının 68-ci ildönümü qeyd olunub.
Lent.az-ın APA-ya istinadən məlumatına görə, bu günlə bağlı dekabrın 12-də yerli vaxtla 14:00-16:00 arasında Güney Azərbaycanın Qoşaçay (Miyandab) rayonunun Qıcılı kəndində 21 Azər Hərəkatı şəhidlərindən biri, Xanəli Motiinin məzarı başında anım mərasimi keçirilib. Ancaq İran ETTELAAT-ının əməkdaşları tədbirə basqın edərək, mərasim iştirakçılarına qarşı güc işlədib.
Həbsə alınanların əksəriyyəti Qoşaçay, Marağa və Məlikkəndi (Məlikan) şəhərlərinin sakinləridir. Onlardan 5 -nin ad və soyadları müəyyənləşib - Daryuş Əndəlibian, Yusif Muxtari, Cavad Sudbər, Həbib Mənafiazər (hamısı Qoşaçay şəhərindən) və Muxtar (Artan) İbrahimidir (Məlikkəndi).
Hazırda həbsə alınan azərbaycanlı fəalların harada saxlanıldığı barədə heç bir məlumat yoxdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
