Akademik Zərifə Əliyeva Ukraynanın İrpen şəhərində yad edilib. Lent.az-ın məlumatına görə, akademikin anadan olmasının 91–ci ildönümü münasibəti ilə İrpen şəhərinə gələn Azərbaycanın Ukraynadakı səfirliyinin diplomatları, Dövlət Neft Şirkətinin Ukraynadakı nümayəndələri və Ukrayna Azərbaycanlı Gənclər Birliyinin fəalları tanınmış elm fədaisinin büstü önünə tər çiçəklər qoymaqla onun əziz xatirəsinə dərin ehtiramlarını bildiriblər.
Anım mərasimində Azərbaycanın Ukraynadakı səfiri Eynulla Mədətli çıxış edərək, akademik Zərifə Əliyevanın Azərbaycan tibb elminin inkişafındakı misilsiz xidmətindən söz açıb. Tədbirdə Dövlət Neft Şirkətinin Ukraynadakı nümayəndəliyinin rəhbəri Elçin Məmmədov, Ukrayna Azərbaycanlı Gənclər Birliyinin sədri Anar Tahirov çıxış edərək Heydər Əliyev kimi dahi bir şəxsiyyətə sədaqətli ömür-gün yoldaşı olan Zərifə Əliyevanın şərəfli ömür yolundan söz açıblar .
Anım mərasimində İrpen Şəhərindəki Zərifə Əliyeva adına orta məktəbin şagirdlərinə Azərbaycanın Ukraynadakı səfirliyi və SOCAR Ukrayna tərəfindən hədiyyələr təqdim olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
