(R)Böyük uğur – “Ankara-Zirvə” Türkiyə klubları çempionu oldu!
28 aprel 2015 18:03 (UTC +04:00)

(R)Böyük uğur – “Ankara-Zirvə” Türkiyə klubları çempionu oldu!

“Zirvə” Beynəlxalq İdman Klubunun uğurlarının ardı-arası kəsilmir. Daha bir xoş xəbər Türkiyədən gəlib.
“Zirve İnternational Sport Clubs” ailəsinin üzvü – “Ankara Tuzgölü-Zirvə” İdman Klubu bu gün başa çatan gənclər arasında klubların Türkiyə çempionatında möhtəşəm çıxış edərək çempion olub. 23-26 aprel tarixləri arasında Konya şəhərindəki “100-cü il” İdman salonunda keçirilən yarışında, qardaş ölkənin 32 bölgəsindən, 64 klubdan 326 kişi və 136 qadın olmaqla toplam 462 ağır atlet iştirak edib. Bu, rekord göstərici idi.
Olduqca gərgin mübarizə şəraitində keçən yarışda qadınların birinciliyində “Ankara Tuzgölü-Zirvə” klubu 165 xalla çempion olub. Emrah və Yasin Arslan qardaşlarının rəhbərlik etdiyi komanda ən yaxın rəqibini 4 xal qabaqlayıb.
Körpücük üzərinə çıxan 7 gənc atletimizdən üçün fəxri kürsüyə qalxaraq qələbədə vacib rol oynayıblar. Onlardan ikisi – 53 kq çəki dərəcəsində Gamze Yayla 156 kq (72+84) və 75 kq çəki dərəcəsində Zeynep Atakan 196 kq (85+111) nəticə ilə bütün rəqiblərini üstələyərk qızıl medal qazanıblar. 69 kq çəki dərəcəsində çıxış edən Büşra Nur Dalmızrak 163 kq (78+85) nəticə ilə ikinci olub.
Ancaq komandanın digər üzvlərinin də əməyini qeyd etmək lazımdır. Gizem Nur Demir, Elif Ünal, Emine Sarıtoprak və Gülsüm Yavuz da müxtəlif nəticələr nümayiş etdirməklə “Ankara Tuzgölü-Zirvə”nin qəbələsinə öz töhfələrini veriblər. Möhtəşəm birlik göstərən qızlar Türkiyə çempionu olaraq adlarını tarixə yazdırıblar.
Bu qələbə “Zirvə” İdman Klubunun böyük zəfəridir. Klubumuzun seçdiyi siyasətin düzgün olduğuna sübut olan bu çempionluq hamımızı sevindirdi.
“Tuzgölü-Zirvə”nin bu möhtəşəm qələbəsində əməyi olan hər kəsə təşəkkür edirik. Əminik ki, uğurların davamı mütləq gələcək. Bir daha təbriklər!

# 130
avatar

Oxşar yazılar