<b>Ölkədə illik temperatur 1,7 dərəcəyə qədər artıb</b>
20 may 2019 16:05 (UTC +04:00)

Ölkədə illik temperatur 1,7 dərəcəyə qədər artıb

Azərbaycan Milli Elmlər Akademiyası (AMEA) Coğrafiya İnstitutunun elmi seminarının növbəti iclası keçirilib.
 
İnstitutdan ONA-ya verilən məlumata görə, iclasda Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin əməkdaşı Sevinc Kazımova “Azərbaycanda iqlim dəyişmələrinin çay axımına təsiri” mövzusunda məruzə edib.
 
Bildirilib ki, S.Kazımova Böyük Qafqaz çaylarının əsas hidrometeoroloji göstəricilərini, temperatur və yağıntıların paylanmasında baş verən dəyişiklikləri araşdırıb, ərazi çaylarının illik su sərflərinin statistik parametrlərini müəyyənləşdirib.
 
Əsas iqlim göstəriciləri olan yağıntı və temperaturları təhlil edən tədqiqatçı respublika ərazisində son illərdə illik temperaturların +0,3 C-dən +1,7 C-ə qədər artmasını müşahidə edib. O deyib ki, yüksək dağlıq ərazilərdə temperaturların artma qradiyenti daha çoxdur: “Yağıntılara gəlincə, çoxillik normaya nisbətən (462 mm) ən çox yağıntı artımı 2016-cı ildə müşahidə edilib ki, fərq 124 mm təşkil edir”.
 
S.Kazımovanın sözlərinə görə, illik axım modulunun bütün region üzrə hündürlükdən asılı olaraq artması baş verir: “Respublikanın Böyük Qafqaz üzrə əksər gursulu və daşqın rejimli çaylarında  maksimal illik su sərfi azalmaqla qış minimal axımları artır”.
 
Məruzəçi qeyd edib ki, yerli əhəmiyyətli su anbarlarının sayını artırmaq, relyefdən asılı olaraq damcı suvarmanı həyata keçirmək, sudan optimal istifadə etmək məqsədəuyğundur.
# 1038
avatar

Oxşar yazılar

Qadınlar azadlığa buraxıldı

Qadınlar azadlığa buraxıldı

26 may 2024 , 10:35
Əfv sərəncamının icrasına başlanıldı

Əfv sərəncamının icrasına başlanıldı

26 may 2024 , 09:16
II və III qruplara imtahan keçirilir

II və III qruplara imtahan keçirilir

26 may 2024 , 06:47
Küləkli hava nə vaxtadək  davam edəcək?

Küləkli hava nə vaxtadək davam edəcək?

25 may 2024 , 18:17
Sabah Bakıda şimşək çaxacaq,  yağış yağacaq - PROQNOZ

Sabah Bakıda şimşək çaxacaq, yağış yağacaq - PROQNOZ

25 may 2024 , 12:59
Maşını saxlayın, şüşələri qaldırıb gözləyin - Hava XƏBƏRDARLIĞI

Maşını saxlayın, şüşələri qaldırıb gözləyin - Hava XƏBƏRDARLIĞI

25 may 2024 , 11:51
Şimşək çaxıb, yağış yağıb - FAKTİKİ HAVA

Şimşək çaxıb, yağış yağıb - FAKTİKİ HAVA

25 may 2024 , 09:56
Hərbi Hospitalın keçmiş rəisi VƏFAT ETDİ

Hərbi Hospitalın keçmiş rəisi VƏFAT ETDİ

24 may 2024 , 17:12