Yeni tədris ilinin başlamasına artıq sayılı günlər qalıb. Uzun müddətlik tətildən sonra uşaqlar dərsə adaptasiya olunmaqda müəyyən çətinliklə qarşılaşa bilərlər.
Maraqlıdır, uşaqların dərsə adaptasiya olunmasında valideynlərin rolu nədən ibarətdir?
Məsələ ilə bağlı psixoloq Vüsalə Əmiraslanova Lent.az-a açıqlamasında bildirib ki, valideynlər övladlarının dərsləri ilə yaxından məşğul olmalıdır.
Onun sözlərinə görə, xüsusilə ibtidai sinifdə oxuyan uşaqlara mütləq nəzarət olunmalıdır:
“Nəzarət altında dərs hazırlayan uşaqlar gələcəkdə daha böyük uğurlar əldə edə bilərlər. Uşaqların həyatında mühüm dönüş nöqtələrindən biri məktəbə başlama prosesidir. Məktəbə başlayan uşaq tanımadığı böyük bir sosial mühitə qarışır. Uşaqlar üçün həyəcan və xoşbəxtliyi ehtiva edən bu proses bəzi qorxu və təlaş da gətirir. Xüsusilə ibtidai sinifdə oxuyan uşaqların valideynləri mütəmadi olaraq sinif rəhbəri ilə daim ünsiyyətdə olmalıdır. Valideynlər müəllimi aktiv şəkildə dinləyib qeydlər aparmalı, həll yönümlü və dəstəkləyici olmalıdır. Bu uşağın inkişafı və təhsili üçün sağlam bir addım olacaq. Həmçinin uşaqlarla bağlı hər hansı bir vəziyyətdə sinif müəllimindən və ya mütəxəssisdən kömək almaqdan çəkinməyin”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
