Ramazan ayından etibarən yalnız yeni növ koronavirusa (COVİD-19) qarşı peyvənd olunmuş, yaxud koronavirusa yoluxaraq sağalmış insanların Ümrə ziyarətinə icazə veriləcək.
APA-nın xəbərinə görə, bu barədə Səudiyyə Ərəbistanı Krallığını Həcc və Ümrə Nazirliyi müvafiq qərar verib.
Qərara əsasən, Ramazan ayının başlaması ilə COVİD-19-a qarşı peyvənd olunmuş, yaxud koronavirusa yoluxaraq sağalmış şəxslər Ümrə ziyarəti üçün qəbul ediləcək.
Ümumilikdə Ümrə ziyarəti üçün qəbul ediləcək şəxslər 3 kateqoriyaya ayrılacaq.
Birinci kateqoriyaya koronavirusa qarşı peyvəndin hər iki dozasını vurduranlar, ikinci kateqoriyaya peyvəndin birinci dozasının vurdurulmasının üzərindən ən azı 14 gün keçənlər, üçüncü kateqoriyaya isə COVİD-19-a yoluxub sağalanlar daxildir.
Bu kateqoriyalara aid şəxslər Məkkəyə daxil ola və Ümrə ziyarətlərini həyata keçirə biləcəklər.
Bu tələblər Mədinədə yerləşən Həzrəti Məhəmməd məscidinə ziyarətlərə də şamil edilir.
Qeyd edək ki, Həcc ziyarətindən fərqli olaraq Ümrə ziyarəti ilin istənilən vaxtında həyata keçirilə bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
