Sürücülərin DİQQƏTİNƏ! - Bu yola işıqforlar quraşdırıldı -FOTO

Bakının Hövsan qəsəbəsində piyadaların təhlükəsiz hərəkəti üçün tədbirlər görülüb.

Bakı Nəqliyyat Agentliyindən Lent.az-a verilən məlumata görə, İlqar Əhlimanov ilə Hafiz Quliyev küçələrinin kəsişməsində piyadaların təhlükəsizliyinin və nəqliyyat vasitələrinin növbəliliyin təmin edilməsi məqsədilə işıqfor obyektləri quraşdırılıb.

Qeyd olunan ərazi sıx məskunlaşma zonası hesab edilir. Həmçinin,ətrafda 3 orta məktəb binası, Təcili və Təxirəsalınmaz Tibbi Yardım Stansiyasının bölməsi yerləşir. İşıqfor obyektlərinin quraşdırılması nəticəsində kəsişmədə nəqliyyat axınları arasındakı mövcud konflikt nöqtələri aradan qaldırılıb və hərəkətin növbəliliyi təmin olunub.

Nizamlanan eyni səviyyəli piyada keçidləri və panduslar sayəsində ətraf ərazilərdə yerləşən məktəblər o cümlədən yaşayan sakinlərin təhlükəsizliyi və rahatlığı təmin olunub, əlçatanlıq səviyyəsi artırılıb.

Hazırda bir sıra ehtiyac olan digər ərazilərdə də bu kimi, nizamlanan yolayrıcları və eyni səviyyəli piyada keçidlərinin təşkil edilməsi istiqamətində işlər aparılır.