Ramiz Mehdiyevin yerinə bu adam seçilir – TARİX AÇIQLANDI

Fevralın 19-da Azərbaycan Milli Elmlər Akademiyasında (AMEA) ümumi yığıncaq keçiriləcək.

Lent.az xəbər verir ki, bu barədə vesti.az-a məlumatlı mənbədən bildirilib.

Məlumata görə, iclasda AMEA prezidenti vəzifəsinə seçkilər keçiriləcək.

Mənbənin sözlərinə görə, bu posta AMEA-nın birinci vitse-prezidenti Arif Həşimovun namizədliyi ehtimal edilir.

Qeyd edək ki, AMEA-nın növbəti ümumi yığıncağı aprel ayında keçirilməli idi. Lakin AMEA prezidenti Ramiz Mehdiyevin istefası ilə əlaqədar iclasın fevral ayına keçirilməsinə qərar verilib.

A.Həşimov 1949-cu il sentyabrın 28-də Naxçıvan Muxtar Respublikasının Şahbuz şəhərində anadan olub. 1966-cı ildə Azərbaycan Neft və Kimya İnstitutunun energetika fakültəsinə daxil olub. 1971-ci ildə AMEA Fizika İnstitutunun Elektrofizika laboratoriyasında işləməyə başlayıb.

2002-ci ildə AMEA-nın Fizika İnstitutunun direktoru seçilib, 2009-cu il iyunun 1-dək bu vəzifəni icra edib.

O, hazırda Azərbaycan Texniki Universitetinin professoru, “Enerji problemləri” jurnalının baş redaktor müavini, “Fizika” jurnalının redaksiya heyətinin üzvüdür.

A.Həşimov 2021-ci il noyabrın 5-dən AMEA-nın Birinci vitse-prezidenti.