Peyvənd vurduranlarda sonsuzluq yarana bilər? - CAVAB
23 noyabr 2021 15:03 (UTC +04:00)

Peyvənd vurduranlarda sonsuzluq yarana bilər? - CAVAB

Lent.az-ın “Bir sual, bir cavab” rubrikasının bugünki mövzusu koronavirusa qarşı olan peyvəndlərin insanlarda sonsuzluq yaratması ilə bağlıdır.

Cəmiyyət arasında belə fikir formalaşıb ki, peyvəndlər sonsuzluğa səbəb olur. Hətta buna görə peyvənddən imtina edənlər də var. 

Bəs, doğrudanmı peyvəndlər sonsuzluğan səbəb olur?

Bu barədə sualımızı Səhiyyə Nazirliyinin mütəxəssis-eksperti Məhəmməd Qəmbərov cavablandırdı.

O bildirdi ki, bu cür fikirlərin hamısı əsassızdır:

“COVID-19 peyvəndinin qadınlarda və ya kişilərdə sonsuzluq problemlərinə səbəb olduğuna və ya plasentaya, dölə zərər verdiyinə dair yayılan məlumatlar əsassızdır. Peyvənddən sonra belə hamiləliyin təxirə salınması üçün heç bir səbəb yoxdur. Hamilə olmayan şəxslərdə COVID-19 peyvəndlərinin qızdırma və ya bir neçə gün davam edən əzələ ağrısı kimi yüngül və qısamüddətli yan təsirləri müşahidə olunur. Əgər qızdırma varsa (38°C və ya daha yüksəkdirsə), istirahət edə və hamiləlik üçün təhlükəsiz parasetamol istifadə edilə bilər. Əlavə məsləhət üçün ailə həkiminə və ya ginekoloqa müraciət edilməlidir”.

# 1734
avatar

Aytəkin Cəlali

Oxşar yazılar