Son günlər ölkədə şagirdlər arasında qızılcaya yoluxma getdikcə yayılmağa başlayır. Bəzi valideynlər övladlarının yoluxmasından qorxaraq məktəbə buraxmırlar.
Maraqlıdır, hazırda ölkə məktəblərində vəziyyət necədir?
Məsələ ilə bağlı Lent.az-ın sorğusuna Elm və Təhsil Nazirliyindən cavab verilib. Məlumata görə, qızılcaya yoluxma kütləvi xarakter daşımır:
"Qızılcaya qarşı birqayda olaraq uşaqlar qeydiyyatda olduqları poliklinika tərəfindən peyvənd olunurlar. Hər hansı ümumi təhsil müəssisəsində qızılcanın simptomları müşahidə edilərsə, dərhal yerli poliklinikalara məktəb rəhbərliyi tərəfindən məlumat verilir.
Qızılcaya yoluxmuş şagird və ya şagirdlər oxuduqları siniflərdən virusun inkubasiya dövründə (10-14 gün) kənnarlaşdırılırlar. Bununla bağlı sahə həkimləri tərəfindən təhsil müəssisələrində müvafiq izahat işləri aparılır. Məktəblərdən bizə daxil olan məlumatlardan aydın olur ki, ümumi təhsil müəssisələrində qızılca xəstəliyinə yoluxma kütləvi xarakter daşımır".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
