Havanın kəskin dəyişəcəyi ilə bağlı NÖVBƏTİ XƏBƏRDARLIQ
15 noyabr 2021 15:23 (UTC +04:00)

Havanın kəskin dəyişəcəyi ilə bağlı NÖVBƏTİ XƏBƏRDARLIQ

Fövqəladə Hallar Nazirliyi havaların kəskin dəyişəcəyi ilə bağlı əhaliyə müraciət edib.

Nazirlikdən Lent.az-a verilən məlumatda  bildirilir ki, Milli Hidrometeorologiya Xidmətinin məlumatına görə, noyabrın 15-i axşam saatlarından başlayaraq noyabrın 16-sı gün ərzində ölkə ərazisində hava şəraitinin kəskin dəyişərək qeyri-sabit və yağıntılı keçəcəyi, xüsusilə güclü külək əsəcəyi proqnozlaşdırılır:

"Qeyd olunanlarla bağlı Fövqəladə Hallar Nazirliyi əhaliyə müraciət edərək, gözlənilən hava şəraiti ilə əlaqədar müvafiq təhlükəsizlik qaydalarına riayət etməyə çağırır.

Xüsusilə, bir sıra ərazilərdə, o cümlədən Bakıda və Abşeron yarımadasında gözlənilən güclü küləyin səbəb ola biləcəyi təhlükələrdən qorunmaq üçün diqqətli davranaraq yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur. Həmçinin, güclü küləyin baş verən yanğınların söndürülməsi prosesini mürəkkəbləşdirdiyini nəzərə alaraq, yanğın təhlükəsizliyi qaydalarına ciddi riayət edilməlidir".

# 8073
avatar

Mehman Nəbiyev

Oxşar yazılar