Sabah Bakıda bir neçə marşrut xəttinin hərəkəti dəyişdiriləcək.
Bakı Nəqliyyat Agentliyindən Lent.az-a verilən xəbərə görə, fevralın 19-da saat 9:00-dan 21:00-dək Ə.Salamzadə küçəsinin yan yolunda (Ceyhun Səlimov küçəsindən Tbilisi prospektinə qədər olan istiqamət üzrə) təmir işlərinin aparılması ilə əlaqədar nəqliyyat vasitələrinin hərəkətində müvəqqəti məhdudiyyət tətbiq ediləcək. Bu səbəbdən 7A, 7B, 67, 199 və 211 saylı marşrutların hərəkət sxemləri müvəqqəti olaraq dəyişdiriləcək.
Dəyişikliyə əsasən, sözügedən marşrut xətləri üzrə avtobusların hərəkət sxemləri Ziya Bünyadov prospekti istiqamətində dəyişdirilərək Tbilisi prospekti və Alı Mustafayev (3-cü mkr bazarı) küçəsindən keçməklə təşkil ediləcək və daha sonra öz hərəkət sxemləri üzrə fəaliyyət göstərəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
