Şurada QHT-lərin  İnkişafı üzrə Milli Fəaliyyət Proqramı müzakirə olundu - FOTO
24 oktyabr 2012 18:13 (UTC +04:00)

Şurada QHT-lərin İnkişafı üzrə Milli Fəaliyyət Proqramı müzakirə olundu - FOTO

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasında hazırlanan “QHT-lərin İnkişafı üzrə Milli Fəaliyyət Proqramı”nın layihəsi tanınmış QHT mütəxəssislərindən ibarət işçi qrup tərəfindən bir daha müzakirə edilib.

Müzakirəni açan Şura sədri Azay Quliyev bildirib ki, bu ilin may ayından etibarən işçi qrupun üzərində işlədiyi “QHT-lərin İnkişafı üzrə Milli Fəaliyyət Proqramı”nın ayrı-ayrı bölmələri əsasən hazırdır. Sənədin əhəmiyyətini vurğulayan Şura sədri ölkənin QHT sektorunun inkişafı üçün sənəddə əsas hədəflərin düzgün müəyyənləşdirilməsinin vacibliyini bildirib.

İşçi qrupun üzvləri Milli Fəaliyyət Proqramı ilə bağlı öz fikir və təkliflərini bir daha ümumiləşdirərək, sənəd üzərində işin davam etdirilməsi və göstərilən müddəaların konkret bölmələr üzrə təsnifatını təkmilləşdirmək haqqında qərar qəbul ediblər.

Sənəd üzərində iş yekunlaşdıqdan sonra onun ictimai müzakirələrinin keçirilməsi nəzərdə tutulur.
# 647

Oxşar yazılar