9 ayda 1 176,7 milyon nəfər sərnişin daşınıb

Bu ilin yanvar-sentyabr ayları ərzində Azərbaycanın nəqliyyat sektorunda fəaliyyət göstərən təsərrüfat subyektləri tərəfindən 157,3 milyon ton və 1 176,7 milyon nəfər sərnişin daşınıb. Dövlət Statistika Komitəsindən «APA-ECONOMICS»ə verilən məlumata görə, ötən ilin müvafiq dövrünə nisbətən yükdaşımaların həcmi 3,3 faiz, sərnişindaşımaların həcmi isə 8,5 faiz artıb.

Hesabat dövründə qeyri-neft yüklərinin həcmi 7,7 faiz artıb. Nəqliyyat vasitələri ilə daşınmış yüklərin 56 faizi avtomobil nəqliyyatı, 27,5 faizi boru kəməri, 10,6 faizi i dəmir yolu, 5,9 faizi isə dəniz nəqliyyatı vasitələri ilə həyata keçirilib. Qeyri-dövlət bölməsində yük daşınması 3,5 faiz artıb, bu bölməyə məxsus nəqliyyat vasitələri ilə yük daşınmasının payı nəqliyyat sektorunda 74,4 faiz təşkil edib.

Sərnişindaşımalara gəldikdə isə, cari ilin ilk doqquz ayı ərzində sərnişinlərin 87,7 faizi avtomobil, 12 faizi metro nəqliyyatının xidmətlərindən istifadə edib.