Azərbaycanda bir kabel şəbəkəsinin yayımı dayandırıldı - FOTO
03 oktyabr 2012 16:59 (UTC +04:00)

Azərbaycanda bir kabel şəbəkəsinin yayımı dayandırıldı - FOTO

Bu gün Milli Televiziya və Radio Şurasının (MTRŞ) növbəti iclası keçirilib.

MTRŞ-dən Lent.az-a verilən məlumata görə, iclasda “Kanal S” MMC-nin, “Yevlax TV” MMC-nin regional televiziya yayımı üçün, “AzHiNet” MMC-nin kabel şəbəkəsi yayımı üçün xüsusi razılıq (lisenziya) müddətinin uzadılması barədə müraciətlərinə baxılıb.

MTRŞ-in qərarına əsasən “Kanal S” MMC-nin və “Yevlax TV” MMC-nin regional televiziya yayımı üçün xüsusi razılıq (lisenziya) müddəti daha 6 il uzadılıb. “AzHiNet” MMC tərəfindən kabel şəbəkəsi yayımı üçün xüsusi razılıq (lisenziya) müddətinin uzadılması barədə ərizə və qanunvericiliklə müəyyən edilmiş sənədlər “Televiziya və radio yayımı haqqında” qanunda nəzərdə tutulmuş müddətdə təqdim edilmədiyindən “AzHiNet” MMC-nin kabel şəbəkəsi yayımı üçün xüsusi razılıq (lisenziya) müddətinin uzadılmasından imtina edilib.
# 3308

Oxşar yazılar