Nuşirəvan Məhərrəmli: “Bu, bizi çox narahat edir...”
03 oktyabr 2012 10:54 (UTC +04:00)

Nuşirəvan Məhərrəmli: “Bu, bizi çox narahat edir...”

Lent.az-ın verdiyi məlumata görə, bunu Milli Televiziya və Radio Şurasının sədri Nuşirəvan Məhərrəmli jurnalistlərə açıqlamasında söyləyib. N.Məhərrəmli deyib ki, Azərbaycan televiziyalarının milli yayımçıları öz məsuliyyətlərini dərk etmirlər: “İstərdik ki, milli-mənəvi dəyərlərə uyğun verilişlər hazırlansın. Bu verilişlər daha çox maarifçilik, intellektual yönumlu olsun, tamaşaçılarımız xarici televiziyalara yox, öz televiziyalarımıza baxmaqla tələbatlarını ödəmiş olsunlar”.


MTRŞ sədri qeyd edib ki, son dövrlər ictimaiyyəti narahat edən məsələlərdən biri problemli ailələr üzərində tok-şouların qurulmasıdır: “Bu, bizi çox narahat edir. Bundan başqa, bizi narahat edən məsələlərdən biri Azərbaycan ədəbi dilinin efirdə tam istifadə olunmamasıdır. Xəbərlər və maarifpərvər verilişlər istisna olsa da, digər verilişlərdə bununla bağlı sui-istifadə halları var. Belə halların olması bizdə təəssüf hissi doğurur”.

Jalə
# 1663

Oxşar yazılar