Azercell nömrələrində yığım qaydası dəyişdi - XƏBƏRDARLIQ

Azercell Telekom MMC şəbəkə daxilində yığım qaydalarını dəyişir. Oktyabrın 1-dən etibarən digər Azercell nömrəsinə zəng edən abonentlər nömrənin əvvəlində mütləq 050/051 prefiksini yığmalıdırlar. Yəni, zəng edərkən (050 + 7 rəqəmli nömrə), və ya (051 + 7 rəqəmli nömrə) kimi yığım aparılmalıdır. Həm zəng, həm SMS/ MMS həm də digər xidmətlərdən istifadə edilərkən bu qaydaya əməl olunmalıdır. Azercell 1 ay müddətində abonentlərin yeni qaydaya alışmasına yardım edəcək. Belə ki, oktyabr ayının 1-indən etibarən abonent müvafiq yığım qaydasına riayət etmədən zəng edərsə, onda xəbərdarlıq anonsu səslənəcək, lakin yığılan nömrə ilə bağlantı mümkün olacaq. 1 noyabr 2012-ci il tarixindən etibarən isə müvafiq yığım qaydasına riayət etmədən zəng edilərsə, xəbərdarlıq anonsu səslənəcək, lakin bağlantı artıq yaradılmayacaq. Həmçinin, nömrənin əvvəlində prefiks yığılmadıqda SMS/MMS göndərilməsi və digər xidmətlərin istifadəsi mümkün olmayacaq. Odur ki, bundan sonra telefonun yaddaşında saxladığınız Azercell abunəçilərinin nömrələrinin əvvəlinə müvafiq prefiksi yazmağı da unutmayın.

Daha ətraflı məlumat üçün news@mcs.az ünvanına müraciət edə bilərsiniz.