Yəhudinin arvadı və Kaliforniyanın baş prokuroru: Anası ona nə demişdi?

Siyasətçi daha sərt silah qanunlarının, abort hüquqlarının və iqlimin qorunması ilə bağlı aqressiv tədbirlərin fəal tərəfdarıdır.

Lent.az ABŞ-ın Demokratlar Partiyasından əsas namizəd olan Kamala Harrislə bağlı maraqlı məqamları diqqətinizə çatdırır.

Kamala Harris imkanlı ailədə böyüsə də, uşaq ikən “ağ” məktəbə ayrı avtobusla getməli olub. Müsahibələrinin birində o, yerli uşaqların və kiçik bacısı Mayeyin dərilərinin rənginə görə oynamağa icazə verilməməsindən danışıb.

Anası Şyamala Qopalan həyatını döş xərçəngi ilə mübarizəyə həsr edən hindistanlı bir genetik idi. 2009-cu ildə 70 yaşında xərçəng xəstəliyindən dünyasını dəyişib. Kamalanın atası iqtisadçı və professor Donald Harrisdir.

Hüquq fakültəsini bitirdikdən sonra Harris karyera pilləkənlərində yüksəlib və 2011-ci ildə Kaliforniyanın baş prokuroru kimi bu vəzifəni tutan ilk Afrika-Amerika və cənubi asiyalı qadın oldu. 2017-ci ildə o, həm də ABŞ Senatına seçilən ikinci qaradərili qadın olub.

2013-cü ildə Kamala Harris vəkil Duqlas Emhoffla evlənib. Onun əri yəhudidir və əvvəlki nikahdan iki yetkin övladı var. Cütlüyün birlikdə uşaqları yoxdur.

Harris Vaşinqtonda 1977-ci ildən bəri bütün ABŞ vitse-prezidentləri tərəfindən istifadə edilən "kiçik Ağ ev" kimi tanınan rəsmi iqamətgahda yaşayır. Əslində, onun evi altı yataq otağı, üzgüçülük hovuzu və helikopter meydançası olan bağ da daxil olmaqla kifayət qədər genişdir.

Kamala Harris daha sərt silah qanunlarının, abort hüquqlarının və aqressiv iqlim tədbirlərinin tərəfdarıdır. Onun karyerası həmişə qadın hüquqları uğrunda mübarizə ilə yadda qalıb.

2022-ci ildə Harris anasının sözlərini xatırladıb: “Kamala, sən çox şeyi birinci edə bilərsən”.

İndi Kamala Harrisin ABŞ-ın ilk qadın prezidenti kimi tarix yazmaq şansı var.