İTV-nin baş direktorluğu ilə bağlı müsabiqəyə sənəd qəbulu başa çatdı
19 aprel 2013 19:37 (UTC +04:00)

İTV-nin baş direktorluğu ilə bağlı müsabiqəyə sənəd qəbulu başa çatdı

Hazırkı baş direktor İsmayıl Ömərov müsabiqəyə sənəd verməyib


 

Milli Televiziya və Radio Şurasının (MTRŞ) İctimai Televiziya və Radio Yayımları Şirkətinin (İTV) baş direktoru vəzifəsinə elan etdiyi müsabiqəyə sənəd qəbulu başa çatıb. MTRŞ-danAPA-ya verilən xəbərə görə, İTV-nin baş direktorunun yerinə elan edilən müsabiqəyə sənəd qəbulu aprelin 4-dən başlayıb və bu gün saat 19.00-da başa çatıb.

 

MTRŞ-nın aparat rəhbəri Toğrul Məmmədov APA-ya açıqlamasında deyib ki, müsabiqəyə sənəd verən namizədlərin adları hələlik açıqlanmır.

 

İTV-nin ictimaiyyətlə əlaqələr şöbəsinin rəhbəri Tahir Məmmədov İTV-nin hazırkı baş direktoru İsmayıl Ömərovun müsabiqəyə sənəd vermədiyini açıqlayıb.

 

Müsabiqədə iştirak edəcək şəxs Azərbaycan vətəndaşı və ali təhsilli olmalıdır. Əvvəllər ağır və ya xüsusi ağır cinayətlərə, habelə ictimai mənəviyyat əleyhinə olan cinayətlərə görə məhkum edilmiş, habelə məhkumluğu ödənil­məmiş, fəaliyyət qabiliyyətsizliyi məhkəmə tərəfindən təsdiq olunmuş şəxslər müsabiqədə iştirak edə bilməzlər.

 

İctimai Televiziya və Radio Yayımları Şirkətinin baş direktoru vəzifəsinə namizədlər müəyyənləşdirildikdən sonra «İctimai Televiziya və Radio Yayımı haqqında» Azərbaycan Respublikası Qanunun 20.1.3, 21.1-ci maddələrinin tələblərinə uyğun olaraq seçkinin keçirilməsi üçün namizədlərin siyahısı İctimai Televiziya və Radio Yayım Şurasına təqdim ediləcək.

 

# 1396
avatar

Oxşar yazılar