Rusiya dağılmaq ərəfəsindədir – Politoloqdan ŞOK PROQNOZ

Almaniyadan olan politoloq və sosioloq İqor Eydman deyib ki, Rusiya üçün daha təhlükəli olan xarici hadisələr deyil, Rusiyada elitalar daxilində artan münaqişədir.

Lent.az xarici mediaya istinadən bildirir ki, onun sözlərinə görə, bu münaqişə hüquq-mühafizə orqanlarına da sirayət edir və Rusiya dağılmaq ərəfəsindədir və bu, digər ölkələrlə müharibəyə səbəb ola bilər.

Priqojin bu gün mərmi olmadığı üçün Müdafiə Nazirliyi ilə mübahisə edə bilər və sabah onu hərbi qüvvələr müdafiə edəcək. Politoloqun fikrincə, bu, Rusiyada yeni iğtişaşlara səbəb ola bilər.

“Cəbhə çökəndə Priqojin və Kadırovun şəxsi orduları, Milli Qvardiya, Müdafiə Nazirliyi ukraynalılarla deyil, bir-biri ilə döyüşə başlayacaq. Bu isə Rusiya hakimiyyəti üçün ən təhlükəli perspektivdir”, - Eydman bildirib.

Onun fikrincə, Priqojin Müdafiə Nazirliyi ilə hesablaşmasında əhalinin diqqətini cəlb etməyə çalışır, lakin onun konfliktləri ilə bağlı “qanuni oğru”ya - Putinə müraciət etmək üçün ənənəvi imkan indi ləğv edilib. Belə ki, Priqojin Sankt-Peterburq sakinlərini Putinin təyin etdiyi qubernator Aleksandr Beqlova qarşı qızışdırır. Eydmanın fikrincə, müxtəlif klanlar arasında münaqişələr kəskinləşsə və real qarşıdurma başlasa, onlar əhalini fəal şəkildə öz tərəflərinə çəkəcəklər.

O, həmçinin ehtimal edir ki, Ukraynada müharibə davam edərsə və tezliklə bitməsə, o zaman Rusiya ərazisinə keçərək, ruslara toxunacaq. Eydman vurğulayıb ki, şərti militarist fanatiklər Priqojini, çeçenlər Kadırovu, moskvalılar və peterburqlular isə hakimiyyətdəki liberal qrupu dəstəkləyəcəklər.