Azərbaycan prezidenti İlham Əliyev səfərdən imtina etməsi barədə qərarını dəyişməyib
İstanbul. Mayis Əlizadə-APA. Türkiyə prezidenti Abdulla Gül və ABŞ dövlət katibi Hillari Klinton Azərbaycan prezidenti İlham Əliyevin bu gün İstanbulda keçirilən “Mədəniyyətlər İttifaqı” zirvəsinə qatılması xahişi ilə ona zəng ediblər. APA-nın Türkiyə bürosunun xəbərinə görə, bu barədə Türkiyənin “Referans” qəzeti və “hurriyyet. daily. com” saytı məlumat verib.
APA-nın yerli bürosunun Türkiyədəki mənbələrdən aldığı xəbərə görə isə Azərbaycan prezidentinə öncə türkiyəli həmkarı Abdulla Gül zəng edib. Lakin ölkə başçısı Türkiyə Ermənistan sərhədlərinin açılması məsələsinə kəskin etirazını bildirib və İstanbulda keçirilən tədbirə qatılmaqdan imtina etmək qərarını dəyişməyib.
Bundan sonra Türkiyənin baş naziri Rəcəb Tayyip Ərdoğan da Azərbaycan prezidentinə telefon açıb. Baş nazir də prezidentin qərarının dəyişməsinə nail olan bilməyib.
Daha sonra ABŞ dövlət katibi Hillari Klinton Azərbaycan prezidentinə zəng edib. Xanım Klintonun tədbirə qatılacağı təqdirdə hazırda Türkiyədə səfərdə olan ABŞ prezidenti Barak Obama ilə Azərbaycan dövlət başçısının görüşünün baş tutacağını söylədiyi də bildirilir. Lakin Azərbaycan dövlət başçısı tədbirə qatılmamaqla bağlı qərarını dəyişməyib.
Türkiyədəki mənbələrin bildirdiklərinə görə, Azərbaycan prezidenti bütün telefon danışıqlarında Türkiyə-Ermənistan sərhədlərinin açılmasına kəskin etirazını bildirməklə yanaşı, bunun Azərbaycanın bütün ictimaiyyəti tərəfindən də böyük narazılıqla qarşılandığını vurğulayıb. Dövlət başçısının bu məsələnin Cənubi Qafqazdakı proseslərə, həmçinin iki ölkə arasındakı münasibətlərə mənfi təsir edəcəyini söylədiyi bildirilir.
Qeyd edək ki, Azərbaycan prezidenti İlham Əliyev Türkiyənin İstanbul şəhərində keçirilən “Mədəniyyətlər İttifaqı” adlı beynəlxalq tədbirə qatılmaqdan imtina edib. Buna səbəb isə Türkiyənin Ermənistanla sərhəd qapılarını açmağa hazırlaşması barədə xəbərlərdir.
Xatırladaq ki, prezidentin səfərdən imtina etməsi barədə ilk xəbəri APA yayıb.
ABŞ və Türkiyə rəhbərliyi İstanbuldakı tədbirə qatılması üçün Azərbaycan prezidentinə zəng ediblər
İDMAN XƏBƏRLƏRİ
974
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
Oxşar yazılar
"Dünyanın ən kasıb prezidenti" öldü: simvola çevrilən inqilabçının hekayəsi - ONU TANI
14 may 2025 , 21:52
Tramp şahzadə Salmandan soruşdu: "Gecələr necə yatırsan?"
14 may 2025 , 19:10
Tramp Ukrayna ilə bağlı xoş xəbər gözləyir
14 may 2025 , 18:22
Azərbaycanın ECO-da fəaliyyəti milli maraqların qlobal platformalarda müdafiəsinə xidmət edir - RƏY
14 may 2025 , 09:40
Ermənilər Ordumuzun mövqelərini atəşə tutdu
14 may 2025 , 08:25
Azərbaycanın yeni hərbi prokuroru təyin edildi
13 may 2025 , 17:00
İlham Əliyev PKK-nın ləğvindən DANIŞDI
13 may 2025 , 10:45
Erməni hərbçilər mülki şəxsləri mühasirəyə salıb məhv etdilər - Arayikin MƏHKƏMƏSİ
12 may 2025 , 16:06
