Dövlət Departamenti rəsmisinin ölkəmizə səfəri başa çatıb
08 dekabr 2012 00:08 (UTC +04:00)

Dövlət Departamenti rəsmisinin ölkəmizə səfəri başa çatıb

ABŞ Dövlət Departamenti Katibinin Avropa və Avroasiya Bürosunun İctimai Diplomatiya Məsələləri üzrə köməkçisi Bey Fenq Azərbaycana səfərini başa çatdırıb. Bu barədə APA ABŞ-ın Azərbaycandakı səfirliyinə istinadən məlumat verir.

Məlumata görə, dövlət katibi köməkçisi müavinin səfərinin əsas məqsədi ABŞ missiyasının Azərbaycanda ictimai diplomatiya sahəsində görülən proqramları ilə tanış olmaq, Azərbaycan rəsmiləri, gənclər və vətəndaş cəmiyyətinin nümayəndələri ilə görüşmək olub.

O, Bakı, Sumqayıt və Salyanda gənclərlə görüşərək mübadilə proqramları imkanlarını müzakirə edib. Xanım Fenq həmçinin Salyanda yerləşən Amerika mərkəzi və ictimai diplomatiyaya aid olan məsələləri rayon icra hakimiyyətinin başçısı Tahir Kərimovla müzakirə edib.
# 484

Oxşar yazılar