Zeytun yağını bir də belə SINAYIN

Zeytun yağı orqanizmə sağlam təsirləri ilə tanınır. Ən sağlam yağlardan biri olan zeytun yağına limon əlavə olunduqda təsiri ikiqat artır.

Lent.az xarici mətbuata istinadən xəbər verir ki, 1 qaşıq zeytun yağına 10 damcı limon əlavə etmək qəbizliyi anında həll edir, damarları təmizləyir. Zeytun yağı və limon sağlamlığımız üçün faydalar təklif edən iki fərqli qidadır. C vitamini mənbəyi olan limon immuniteti gücləndirir və ürək sağlamlığını qoruya bilər. Zeytun yağı xərçəngə qarşı qoruyucu təsiri ilə tanınır.

Zeytun yağını lazım olduqda istehlak etmək bədəndəki iltihabı azalda bilər. Oleokantal adlanan birləşmə iltihab əleyhinə faydaları ilə tanınır. Xroniki xəstəliklərin riskini azaldır və iltihabı aradan qaldırır.

Həzm sistemini yaxşılaşdıracaq təsiri olan zeytun yağına limon əlavə etdikdə faydası ikiqat artar. Həzm fermentlərinin istehsalını artıraraq qəbizliyə son qoyacaq. Zeytun yağı və limon qarışığı qəbizliyin qarşısını almaq üçün təsirli təbii vasitədir.

Pəhrizə zeytun yağı əlavə etmək bəzi xərçəng növlərinin qarşısını almaqda təsirli olur. Eyni zamanda limonun güclü təsiri sayəsində xərçəng hüceyrələrinin böyüməsinin qarşısı alına bilər.

Araşdırmalara görə, zeytun yağında olan antioksidanlar döş və həzm sistemində xərçəng növlərinə qarşı qoruyucu təsir göstərir.