Yaz allergiyasından dərmansız qorunmağın ən yaxşı ÜSULU

Yaz aylarında tozcuğa (polenə) qarşı allergiyası olan insanlar ilin ən çətin dövrlərindən birini yaşayır. Bitkilər bu fəsildə intensiv şəkildə çiçəklənir və yağışlar bu prosesi daha da gücləndirir.

Lent.az allergiyadan qorunmağın yollarını təqdim edir:

Yaz allergiyasına qarşı tədbirlər - Ən təsirli üsullardan biri - allergenlə təmasdan maksimum qaçmaqdır. Mümkün qədər evdə qalın, xüsusilə tozcuq konsentrasiyasının yüksək olduğu vaxtlarda və küləkli günlərdə çölə çıxmayın. Ev şəraitində gigiyena qaydalarına ciddi əməl edin və tozdan təmiz saxlayın.

HEPA filtrləri olan tozsoranlardan istifadə edin,

Pərdə və yataq dəstlərini tez-tez dəyişin. Evi havalandırmaq vacibdir, lakin qısa müddətli və günorta saatlarında etmək daha məsləhətlidir, çünki bu zaman polen miqdarı daha az olur.

Açıq havada geyim qurutmayın

Paltarı çöldə qurutmaq olmaz, çünki tozcuq parçaya yapışaraq evə daşına bilər.

Məsləhət görülən digər tədbirlər

Çöldə olarkən maskadan istifadə edin – bu, tənəffüs yollarını qorumağa kömək edir. Əlləri və üzü tez-tez yumaq, dəridə yapışmış ola biləcək tozcuqları təmizləməyə kömək edir.

Allergiyaya qarşı tibbi vasitələr

Dərmansız tədbirlərlə yanaşı, daha ciddi simptomlar olduqda dərman müalicəsi tətbiq olunur:

Antihistamin preparatlar – asqırıq, qaşınma, burun axması kimi əlamətləri azaldır. Burun üçün kortikosteroid spreylər – burun tutulmasını və iltihabı azaldır. Dekonjestantlar (burun tıxanıqlığını azaldan dərmanlar) – yalnız qısa müddətli istifadə üçün məsləhətdir.

Yaz allergiyasına qarşı dərmansız qorunma üsulları – çöldən qaçmaq, ev şəraitində təmizlik, maska taxmaq və şəxsi gigiyena qaydalarına əməl etmək – simptomları xeyli yüngülləşdirə bilər. Lakin problem davamlıdırsa, mütəxəssisə müraciət etmək və uyğun müalicəyə başlamaq vacibdir.