Koronavirus xəstələrinin ən yoluxucu qrupu AÇIQLANDI

İmmunitet sistemi zəif olan insanlar, koronavirusa yoluxduqları təqdirdə uzun müddət yoluxucu qalırlar. Məsələn, xərçəng və koronavirus xəstələri iki aya qədər yoluxucu ola bilər.

Lent.az-ın xarici KİV-ə istinadla verdiyi xəbərə görə, bu barədə “New England Journal of Medicin”də dərc olunan tədqiqatçıların açıq məktubunda bildirilir.

Bu nəticəyə gəlmək üçün mütəxəssislər canlı bir virusun xərçəng xəstələrindən təcrid olunmasını araşdırıblar. Məlum olub ki, müalicə prosedurlarından sonra zəif toxunulmazlığı olan xəstələr ən azı 2 ay müddətində canlı bir koronavirus SARS-CoV-2 yoluxdurucusu ola bilərlər.

Eyni zamanda, Amerika Xəstəliklərə Nəzarət və Qarşısının Alma Mərkəzlərinin (CDC) COVID-19-un tədbiri ilə bağlı hazırkı tövsiyələrə görə, COVID-19 xəstələri 10 gün ərzində yoluxur. Bu səbəbdən tədqiqatçılar, zəif immunitet sistemi olan xəstələrə dair normaları yenidən nəzərdən keçirməyi məsləhət görürlər.