İnsanların daha çox öldüyü ölkələr - SİYAHI

Ölüm nisbətinin ən yüksək olduğu ölkələr açıqlanıb.

Lent.az xarici KİV-ə istinadən xəbər verir ki, xərçəng və ürək kimi xəstəliklərdən ölüm hallarının ən yüksək olduğu ölkələr müəyyən edilib.

Tədqiqatçılar əsasən, yüksək gəlirli ölkələr olmaqla 38 ölkədə altı ümumi qeyri-infeksion xəstəlik üzrə ölüm göstəriciləri ilə bağlı məlumatları təhlil ediblər. Nəzərə alınan xəstəliklər xərçəng, ürək xəstəliyi, insult, ağciyər, qaraciyər və böyrək xəstəlikləri idi.

Türkiyə ən yüksək ölüm nisbətinə sahib ölkə olub, Birləşmiş Krallıq və Kolumbiya və Kosta-Rika kimi daha az inkişaf etmiş ölkələri qabaqlayaraq doqquzuncu yerdədir. Böyük Britaniya 24-cü, Avstraliya isə 37-ci yerdə qərarlaşıb.

Təhlildə yer alan bütün ölkələr 1961-ci ildə əsası qoyulmuş 37 bazar iqtisadiyyatı ölkəsinin iştirak etdiyi İqtisadi Əməkdaşlıq və İnkişaf Təşkilatının (OECD) üzvləridir.

Türkiyənin yüksək bal (10 baldan 8,34) səbəbi böyrək xəstəlikləri, insult və ağciyər xəstəliklərindən ölüm hallarının yüksək olmasıdır.

İlk beşliyi Macarıstan (8,29), Slovakiya (7,57), Meksika (7,39) və Polşa (7,25) tamamlayır.

Tədqiqatçılar ABŞ-ın 9-cu yeri tutmasını onunla izah ediblər ki, o, ağciyər xəstəliklərindən ölüm hallarına görə üçüncü, böyrək xəstəliklərindən ölüm hallarına görə isə altıncı yerdədir.

Tədqiqat bu ilin əvvəlində Ümumdünya Səhiyyə Təşkilatının və Dünya Bankının son məlumatlarından istifadə etməklə həyat sığortası üzrə ekspertlər Uilyam Rassel tərəfindən aparılıb.