Hər səhər yataqda tənəffüs məşqi edin – stresslə mübarizə üçün

Müasir həyat ritmində stress hər gün yarana bilər və bu zaman bir neçə dəqiqəlik sakitlik belə xilasedici ola bilər.

Lent.az-ın xarici mediaya istinadla xəbərinə görə, blə bir sadə tənəffüs məşqi var ki, onu birbaşa yataqda yerinə yetirmək mümkündür – bu məşq zehni sakitləşdirir və narahatlıq səviyyəsini azaldır.

Məşq necə yerinə yetirilir

Səhərlər insanlar adətən işə tələsdiyindən meditasiya və ya digər məşqlərə vaxt çatmır. Əgər sizi gərgin və dolu bir gün gözləyirsə, bir dəqiqənizi ayırıb nəfəs alaraq “yenidən yüklənin”. Bu tənəffüs məşqi cəmi bir dəqiqə çəkir və birbaşa yataqda yerinə yetirilə bilər.

Addım-addım necə etmək olar

Yataqda uzanın, dizlərinizi bükə və ya ayaqlarınızı düz saxlayaraq – necə rahatdırsa. Əllərinizi qarın nahiyəsinə qoyun. Burundan nəfəs alın, burundan nəfəs verin və qarının boşalıb içəri getdiyini hiss edin. Bunu 5 dərin nəfəs boyunca təkrarlayın. Sonra əllərinizi sinə nahiyəsinə yerləşdirin.

Sağ əliniz və barmaqlarınız sağ tərəfdə mümkün qədər çox qabırğaya toxunsun, sol əliniz isə sol tərəfdə eyni şəkildə yerləşsin. Nəfəs alın və ağciyərlərin sinə qəfəsini genişləndirdiyini hiss edin, sonra nəfəs verin və ağciyərlərin boşaldığını hiss edin. Bunu da 5 dərin nəfəs boyunca təkrarlayın.

Birinci mərhələ – qarının qalxıb-enməsinə fokuslanan dərin nəfəs – bədəni və zehni rahatlama reaksiyasına salır, sizi təhlükəsiz, sakit və məqsədyönlü hərəkət etməyə hazır vəziyyətə gətirir.

İkinci mərhələ – sinə qəfəsinin genişlənməsinə yönələn nəfəs – enerjini və optimizmi gününüzə dəvət edir. Səhər yataqdan qalxmadan əvvəl bu nəfəs texnikasını sınayın və yalnız səhərin yox, bütün günün ruh halının necə dəyişdiyini görün.

Stressi aradan qaldırmağa başqa nə kömək edə bilər?

Fiziki aktivlik

Qısa gəzinti, tullanma, çömbəlmə və ya sadəcə gərilmə - artıq enerjini çıxarmağa və gərginliyi azaltmağa kömək edir.

Su kontrastı

Üzünüzü soyuq su ilə yuyun və ya kontrast duş qəbul edin - bu sinir sistemini stimullaşdırır və zehni təravətləndirir.

Yerlə bağlanma texnikası (grounding)

Ətrafınıza baxın və aşağıdakıları adlandırın

5 gördüyünüz şey

4 toxunduğunuz şey

3 eşitdiyiniz səs

2 iylədiyiniz qoxu

1 dadına baxdığınız bir şey