Həkimlər yüksək xolesterinin az tanınan, lakin çox təhlükəli simptomunu AÇIQLADI

Əllərdə və ayaqlarda ağrını çoxları yorğunluq və ya fiziki yüklənmənin nəticəsi hesab edir. Halbuki bu, ciddi bir problemin əlaməti ola bilər.

Lent.az yüksək xolesterinin təhlükəli əlamətlərini sizə təqdim edir:

Əllərdə və ayaqlarda yaranan ağrı az tanınan, lakin narahatedici yüksək xolesterin əlaməti ola bilər — həkimlər bu barədə xəbərdarlıq edirlər. Bu simptom damar pozğunluqlarına işarə edir və müalicə olunmadıqda əlillik və hətta ətrafların amputasiyası ilə nəticələnə bilər.

Yüksək xolesterin zamanı niyə ətraflar ağrıyır?
Yüksək xolesterin səviyyəsi ilkin mərhələlərdə nəzərə çarpan simptomlar vermir — bu da onu xüsusilə təhlükəli edir. Lakin zaman keçdikcə xolesterin lövhəcikləri (xolesterin, yağ, kalsium, hüceyrə qalığı və fibrin zülalından ibarət birləşmələr) arteriyalarda toplanmağa başlayır. Nəticədə damarlar daralır və sərtləşir — bu proses ateroskleroz adlanır. Bu dəyişikliklər qanı ətraflara daşıyan arteriyaları əhatə etdikdə obliterasiyaedici ateroskleroz və ya periferik arteriya xəstəliyi (PAX) inkişaf edir. Onun əsas əlamətlərindən biri — ayaqlarda (bəzən də əllərdə) hərəkət zamanı yaranan kəskin və ya sızıldayan ağrıdır. Bu, adətən gəzmək, pilləkən qalxmaq və ya qaçmaq zamanı müşahidə olunur. Bu vəziyyət aralıklı topallıq adlanır: insan ağrının keçməsi üçün tez-tez dayanmalı olur.

Əgər vaxtında müalicəyə başlanmazsa, qan dövranındakı pozğunluq irəliləyir. Toxumalar oksigen çatışmazlığı yaşayır, bu isə keyimə, qıcolmalar, hissiyat itkisi, sağalmayan yaralar və ağır hallarda qanqrena ilə nəticələnə bilər. Qanqrena zamanı ətrafın amputasiyası zəruri ola bilər. Əllərdə və ayaqlarda səbəbsiz, xüsusilə hərəkətlə yaranan ağrılar yüngül sayılmamalıdır. Bu, yüksək xolesterin və damar tıxanmasının xəbərçisi ola bilər. Belə hallarda vaxtında tibbi yardım almaq vacibdir.