Görmə itkisinə səbəb ola biləcək İÇKİ

Görmə itkisinə səbəb ola biləcək məşhur içkinin adı açıqlanıb.

Lent.az xarici KİV-ə istinadən xəbər verir ki, həddindən artıq qəhvə istehlakı qlaukoma səbəb ola bilər.

Qlaukoma zamanı gözü beyinlə birləşdirən optik sinir zədələnir. Bu vəziyyət dərhal tibbi müdaxilə tələb edir, əks halda korluq inkişaf edə bilər.

Həkimlər qəhvənin təhlükəli olduğunu, tərkibindəki kofeinin miqdarına görə izah edirlər. Əlbəttə ki, gündə bir və ya iki fincan sizə zərər verməyəcək, ancaq içkidən sui-istifadə etməməlisiniz.

Kofeinin tövsiyə olunan dozasını ardıcıl olaraq aşmaq ümumi sağlamlığınıza və görmə qabiliyyətinizə mənfi təsir göstərə bilər. Çünki bu, xroniki xəstəliklərin inkişaf riskini artırır. Kofeinlə zəngin içkilər qan, o cümlədən göz təzyiqini artıra bilər. Göz içi təzyiqinin davamlı artması qlaukoma inkişafına kömək edən amillərdən biridir və buna görə də qəhvə istehlakı ilə bu komplikasiya arasında aydın əlaqə var.

Harvard Tibb Məktəbinin 2012-ci ildə apardığı bir araşdırma, üç və ya daha çox fincan qəhvə içmək ilə bu xəstəliyin bir forması olan eksfoliativ qlaukoma inkişaf riskinin artması arasında əlaqə tapıb.

Bununla belə, qeyd etmək lazımdır ki, bu əlaqə qəhvə içərkən qlaukoma xəstəliyinin avtomatik inkişafı demək deyil. Mütəxəssislər deyirlər ki, bu hər bir insanın şəxsiyyətindən və orqanizminin kofeini necə emal etməsindən asılıdır.