Gəncliyinizi və ömrünüzü qısaldan içkilər - SİYAHI

Alimlər spirtli içkiləri ən təhlükəli hesab edirlər, çünki hər il yüz minlərlə insanın ölümünə səbəb olur.

Lent.az-ın xarici mediaya istinadla xəbərinə görə, kiçik dozalarda belə spirt içmək ömrü qısaldır və bir sıra xəstəliklərin inkişafına səbəb ola bilər. Alimlər israr edirlər ki, spirtin təhlükəsiz dozası yoxdur.

Alkoqol asılılıq yarada bilən və bir sıra ciddi xəstəliklərə səbəb olan zəhərli, psixoaktiv maddədir. Beynəlxalq Xərçəng Araşdırmaları Agentliyi onilliklər əvvəl onu asbest, radiasiya və tütün daxil olmaqla ən yüksək risk qrupu olan 1-ci qrup kanserogen təyin edib.

Yeni araşdırma göstərib ki, spirt istənilən dozada orqanizm üçün zərərlidir. İnsan nə qədər çox içirsə, nəticələri bir o qədər fəlakətlidir.

Alimlər təxminən 5 milyon insanın iştirak etdiyi 100-dən çox əvvəlki tədqiqatın nəticələrini birləşdirib. Onlar belə nəticəyə gəliblər ki, müntəzəm alkoqol qəbulu, hətta orta dozada belə, ömrün müddətini kəskin şəkildə azaldır.

Nəticələr göstərib ki, ən azı 25 qram spirt içən insanların alkoqolla əlaqəli xəstəliklərdən ölmək riski var. Bir şəxs 45 qram içsə, risk artır.

Tədqiqatçılar həmçinin qadınların kişilərə nisbətən spirtli içkilərdən daha çox əziyyət çəkdiyini müəyyən ediblər. Gündə bir stəkan və ya daha çox spirt içən tədqiqat iştirakçılarının ölüm riski eyni miqdarda içən kişilərə nisbətən daha yüksək olub.

Alimlər qeyd edirlər ki, bu araşdırma Ümumdünya Səhiyyə Təşkilatının heç bir miqdarda spirtin sağlamlıq üçün təhlükəsiz olmadığı barədə tövsiyəsini bir daha təsdiqləyib.