Bu qidalardan sonra günəşlənmək olmaz

Həkimlər yeməkdən sonra günəş vannası qəbul edə bilməyəcəyimiz məhsulların adlarını sadalayıb.

Lent.az xəbər verir ki, bəzi qidalar dərini günəşə daha çox məruz qoya bilər.

Dərinizi ultrabənövşəyi şüaların güclü təsirindən qorumaq istəyirsinizsə, günəşdən qoruyucu kremlərdən istifadə etməli və müəyyən saatlarda çimərliyə getməməlisiniz. Bunlarla yanaşı, bəzi qidaları istehlak etməmək də vacibdir.

Məlum olub ki, müəyyən qidalar dərimizi daha da müdafiəsiz edə bilər. Ona görə də onu yedikdən sonra günəşlənmək qəti şəkildə tövsiyə olunmur.

Mütəxəssislərin fikrincə, qaralma zamanı günəş yanığı və dərinin digər zədələnməsi riskini artıra bilən qidalar var və bu, qidalarda UV şüaları ilə qarşılıqlı təsir göstərən müəyyən maddələrin olması ilə əlaqədardır.

Bu siyahıya sitrus meyvələri (tərkibində furokumarin olan portağal, limon), həmçinin günəşin dəriyə reaksiyasını artıran oksalatlarla zəngin olan ispanaq və turp daxildir. Çimərliyə qəti şəkildə ananasla getməməlisiniz. Çünki onun tərkibində günəş işığına məruz qaldıqda dərinin qıcıqlanmasına səbəb olan bir ferment olan bromelain var.

Kərəviz, cəfəri, şüyüd, tut, alkoqollu içkilər "təhlükəli" qidalar sırasındadır. Çünki onlar susuzluğa səbəb ola bilər. Nəticədə dəri daha müdafiəsiz və qızmar günəşə həssas olacaq.