Evdar qadınların kartof bişirəndə etdiyi səhvlər – BUNLARI ETMƏYİN

Qaynadılmış kartof ən sadə və ən məşhur yeməklərdən biridir, hazırlanması xüsusi bacarıq və ya əhəmiyyətli səy tələb etmir. Bununla belə, kartofun qaynadılması zamanı onun qida dəyərini aşağı salan səhvlər edilə bilər.

Lent.az kartof bişirərkən hansı səhvləri etməməli olduğunuzu sadalayır:

Kartof karbohidratlar, C, B vitaminləri, kalium, fosfor və maqnezium kimi minerallarla zəngindir. Bu maddələr sinir sisteminin sağlamlığının, qan təzyiqinin qorunmasında mühüm rol oynayır, həmçinin sümükləri və dişləri gücləndirir.

Bir çox insan kartofları qaynatmazdan əvvəl parçalara ayırmağa üstünlük verirlər, çünki bu, bişirmə vaxtını azaldır. Lakin bu yanaşma qida maddələrinin əhəmiyyətli dərəcədə itkisinə səbəb olur.

Maksimum faydaları saxlamaq üçün kartofu necə düzgün bişirmək olar?

1. Kartofu bütöv şəkildə bişirin

Kartofu kiçik parçalara ayırmaq adi haldır, lakin faydalı deyil. Bişirmədən əvvəl doğrandıqda vitamin və mineralların, məsələn, C vitamini və kaliumun əhəmiyyətli bir hissəsi itirilir. Bütöv kök yumruları qida maddələrini daha yaxşı saxlayır, çünki onların quruluşu bişirmə prosesində yuyulmasının qarşısını alır.

2. Kartofu qaynar suya salın

Başqa bir ümumi səhv, kartofu soyuq suya qoymaqdır. Kartofu qaynar suya salmaq daha yaxşıdır: bu, onun yumru səthində vitamin və mineralların sızmasının qarşısını alan qoruyucu bir maneə yaratmağa kömək edir. Bundan əlavə, bu yolla kartof xoş teksturasını saxlayır.

Bununla belə, soyuq suyun istifadəsinin doğru olduğu məqamlar var. Məsələn, kartofu qabığı ilə qaynadırsınızsa bu halda soyuq su yaxşı seçim ola bilər.