Yunanıstanın paytaxtı Afinadakı Teatr Kollecinin konsert salonunda Bakı Musiqi Akademiyasının Gənclər Kamera Orkestrinin xeyriyyə konserti keçirilib. Gənclər və İdman Nazirliyinin mətbuat xidmətindən Lent.az-a verilən məlumata görə, tədbir nazirliyin nümayəndə heyətinin Yunanıstana səfəri çərçivəsində baş tutub.
Konsertdə Qara Qarayev, Niyazi, Fikrət Əmirov, Səid Rüstəmov, Tofiq Quliyev, Aqşin Əlizadə, Vasif Adıgözəlov, Fərhad Bədəlbəyli və digər görkəmli Azərbaycan bəstəkarları ilə yanaşı, dünya klassiklərinin də əsərləri səsləndirilib. Tamaşaçılar gənclərimiz ifa etdikləri mahnıları maraqla qarşılayıblar.
Konsertə Yunanıstanın bir çox ziyalıları ilə yanaşı, YUNESKO-nun xoşməramlı səfiri Marianna Vardinoyannis də qatılıb.
Qeyd edək ki, yığılan vəsait əlil uşaqların müalicəsinə xərclənəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
