Bakıda tələbələr konsert verdi

Azərbaycan Dövlət Mədəniyyət və İncəsənət Universitetində (ADMİU) “Musiqi sənəti” fakültəsinin müəllimi Nigar Ağayeva və onun tələbələri dünya şöhrətli bəstəkarı Frederik Şopenin əsərlərindən ibarət konsert proqramla çıxış ediblər.

ADMİU-dan Lent.az-a daxil olan məlumata görə, tədbirin əvvəlində universitetinin rektoru, professor Fərəh Əliyeva çıxış edərək Şopenin əsərlərindən, onun yaradıcılığının dünya musiqi tarixindəki yerindən söz açıb. ADMİU-nun müəllim və tələbə heyətinin iştirak etdiyi konsertdə Şopenin müxtəlif əsərləri səsləndirilib.

Sonda Bülbül adına orta ixtisas musiqi məktəbinin yetirməsi, Prezident təqaüdçüsü, hazırda Sankt-Peterburq şəhərində təhsil alan Rüstəm Zeynalov Ferens Listin əsərlərindən ibarət proqramla çıxış edib.