“Azdrama” Ali Neft Məktəbi ilə müqavilə imzaladı

“Təhsil müəssisələrində teatr biletlərinin satışına qadağa qoyub”. Lent.az-ın məlumatına görə, bunu Azərbaycan Dövlət Akademik Dram Teatrının direktoru İsrafil İsrafilov deyib. O, bildirib ki, teatra tamaşaçıları cəlb etmək lazımdır: “Tamaşaçı ilə teatr münasibətləri qarşılıqlı olmalıdır. İki il bu münasibətləri boş buraxdıq, tamaşaçı ilə yaxşı rəftar etmədik. Ona görə də, bunun acısını çəkirik”.

Teatr rəhbəri deyir ki, Ali Neft Məktəbi tərəfindən onlara maraqlı təklif gəlib: “Mənə təklif edildi ki, gəlin belə bir müqavilə bağlayaq; hər təhsil müəssisəsi 1 tamaşaya gəlsin. Biz, bu gün bu müqaviləni gerçəkləşdiririk”.

Ali Neft Məktəbinin rektoru Elmar Qasımov isə çıxış edərək bildirib ki, biletlər Ali Neft Məktəbinin öz hesabına başa gələcək. Teatr mədəniyyətimizin məbədgahıdır. Ona görə də, düşünürük ki, bu addım atmaq lazım idi”.

Daha sonra tərəflər arasında müqavilə imzalanıb.