Mənsum İbrahimov özəl günündə Lent.az-a DANIŞDI: "Arzularıma çatmışam..."

Xalq artisti, muğam ustası Mənsum İbrahimovun ad günüdür. Xanəndənin 61 yaşı tamam olur. Mənsum müəllimi bu münasibətlə təbrik edib. Arzularını eşitmək istədik.

O, Lent.az-ın təbriklərinə cavab olaraq bildirdi ki, Qarabağ alınan gündən özünü bütün arzularına çatmış hesab edir:

“Allaha şükür torpaqlarımızı aldıq. Müharibənin aktiv fazası bitsə də, problemlər qalır. Ad günü sevinci yaşamıram, şəhidlərimiz var. Ona görə əhvalım yerində deyil. Allahdan arzu edirəm, Qarabağdan muğam sədaları gəlsin, uşaq səsləri bürüsün o torpaqları. Güllə səsləri eşidilməsin. Heç bir ailə şəhid xəbəri almasın. Dünyamız qarışıqdır, gərgin günlər yaşanır. Tək diləyim dünyamız sakit olsun. Ən böyük arzum Qarabağda insanların məskunlaşmasını, xaraba qalmış o yurdlarımızı yenidən cənnət –məkan görüm. Bizim elə bir qonşularımız var ki, həmişə ayıq-sayıq, güclü olmalıyıq. Bu yaşda mən ömürdən başqa nə istəyirəm? Bizim balalarımız, nəvələrimiz gözəl günlər yaşasınlar. Qarabağ müharibə yox, mədəniyyətin beşiyi olsun”.