Bu rəqslə hamını heyran etməyi bacarırlar - VİDEO

“Baçata sensual” son illərdə ictimaiyyət arasında böyük uğur qazanan rəqsdir. Getdikcə daha çox insan bu üslubda hərəkət etməyi öyrənmək istəyir. Bu cəsarətli tanqo deyil. Və cəlbedici rumba deyil. Bu çətin və çox həssas bir şeydir.

Lent.az xarici mediaya istinadən məlumat verir ki, peşəkar rəqqaslar Kornel və Ritika hər kəsi “baçata sensual” ritmləri ilə heyran etməyi bilirlər. “YouTube” və “Faceook” kimi platformalar sayəsində minlərlə pərəstişkar ordusu toplayıblar. Siz də qoşulun!

Kornel və Ritika Mumbaidən olan peşəkar rəqqaslardır. Onlar baçata kimi məşhur rəqs üslubunda ixtisaslaşıblar. Bu cazibədar janrın kökləri uzaq Latın Amerikasına gedib çıxsa da, xarizmatik hindular onun əsaslarını asanlıqla dərk edə bilirlər.

Rəqsin bir neçə variantı var. Klassik baçata Dominikan Respublikasından gəlir və görünüşünə görə rumba və salsaya çox bənzəyir. Müasir baçata bir növ hip-hop və baçata qarışığıdır. Baçatanqo, omba və bədənin hamar yellənməsinin Argentina tanqosunun aqressiv hərəkətləri ilə birləşdirilməsidir. Və bəlkə də ən romantik və seksual alt tip "Baçata sensual"adlanır. Kornell və Ritika arasında yaranan güclü kimya bu yeni üslubu növbəti səviyyəyə qaldırır.

Bu cütlüyün öz “YouTube” kanalı var, orada vaxtaşırı heyrətamiz çıxışlarını yayımlayırlar. Hazırda Dance space008 təxminən 750 000 abunəçi toplayıb. İzləyiciləri şərhlərdə onlara yazırlar:

“Mən bu rəqsə aşiq oldum. Dəqiqliyi, musiqinin ritmindən, Ritikanın zərifliyindən asılı olaraq super sürətli hərəkətlərdən yavaş hərəkətlərə keçmələrini sevirəm...".

"Mən onları sevirəm. Onlar mənim üçün standartdır, süni gərginliklə hərəkət etmirlər, yüngülcə rəqs edirlər ki, hava parıldasın”.

"Saf qızıldan hazırlanmış baçata".